باسقارمادان حابارلاعانداي, تاريفتىك ءمازىر جوباسى ءالى دە پىسىقتالۋدا, ال ونى ەنگىزۋ سۋبسيديالاۋدىڭ جاڭا ەرەجەلەرى بەكىتىلگەننەن كەيىن عانا باستالادى. بۇل ەرەجەلەر قازىر ادىلەت مينيسترلىگىندە كەلىسىلۋدە. ۆەدومستۆو كەلەسى جىلدىڭ ىشىندە ءمازىر ەنگىزۋگە ۇمىتتەنەدى.
قوسىمشا باسقارما حابارلاعانداي, «قوعامدىق كولىكتى پايدالانۋدىڭ ىڭعايلىلىعىن ارتتىرۋ ءۇشىن قازىرگى ۋاقىتتا باسقارما ەكىنشى دەڭگەيلى بانكتەردىڭ موبيلدىك قوسىمشالارى ارقىلى جانە بانك كارتالارىمەن جول ءجۇرۋ اقىسىن تولەۋ مۇمكىندىگىن ەنگىزۋ تۋرالى ماسەلەنى زەرتتەۋدە».
ەستەرىڭىزگە سالا كەتەيىك, بۇعان دەيىن الماتىنىڭ قوعامدىق كولىكتەرىندە بانك كارتالارىمەن تولەم ەنگىزۋ نيەتى جوق ەكەنى حابارلانعان بولاتىن. اكىمدىكتە بۇل «وناي» ەلەكتروندى جۇيەسىنىڭ بولۋىنا بايلانىستى قاجەت ەمەس دەپ ەسەپتەدى.
سونىمەن قاتار, «تاريفتىك ءمازىر» جوباسى ازىرلەنۋ ساتىسىندا تۇر. ول ءتۇرلى پرايستار مەن ابونەمەنتتەردى ەنگىزۋدى كوزدەۋ تۋرالى ايتىلعان. ۇسىنىستاردىڭ مولشەرى مەن قۇنى جوبا ازىرلەنىپ, قابىلدانعاننان كەيىن انىقتالاتىن بولادى.
